Turacyafite amahirwe yo kwisubiza umwanya wa mbere-Ntabanganyimana

0
Ntabanganyimana Antoine umutoza wa Police Handball Club/Ifoto/Ububiko)

Umutoza wa Police Handball Club, Ntabanganyimana Antoine yemeza ko bagifite amahirwe yo kwisubiza umwanya wa mbere nyuma yo gutsinda ibitego 65-17 UR mu mukino yo kwishura muri shampiyona ya Handball mu Rwanda.

Shampiyona ya Handball yari igeze ku mu munsi wa kabiri mu mikino yo kwishyura ariko Police yo imaze gukina umukino umwe gusa.

Undi mukino wabaye mu mpera z’iki cyumweru wahuje APR ikiri ku mwanya wa mbere nyuma yo gutsinda ibitego 38-27 Nyakabanda.

Umutoza Ntabanganyimana yatangarije ikinyamakuru izubarirashe.rw ko impamvu mu keba wabo APR iri imbere ku rutonde rw’agateganyo rwa shampiyona ari uko bo hari umukino batarakina.

Avuga ko bafite umukino w’ikirarane wari kubahuza na Nyakabanda utarabereye igihe ariko biteganyijwe ko uzakinwa nubwo batarabwirwa igihe uzabera.

Uko amakipe akurikirana ku rutonde rw’agateganyo rwa shampiyona

1. APR n’amanota (Pts) 31

2. Police 30 Pts

3. Nyakabanda 21 Pts

4. Es Kigoma 19Pts

5. ADEGI 19 Pts

6. GS St Aloys 18 Pts

7. Inyemeramihigo 15Pts

8. ES Urumuri 9Pts

9. UR Huye 9Pts

10. GS Rambura 5 Pts.

Tanga igitekerezo