Shampiyona ya Volleyball igiye gusubukurwa

    0
    Ikipe ya UNIK VC iri mu myitozo (Ifoto/Ububiko)

    Shampiyona ya Volleyball y’icyiciro cya mbere mu Rwanda yari yarasubitswe igiye gusubukurwa mu mpera z’iki cyumweru.

    Yari yasubitswe kubera ikipe ya UNIK yari yaritabiriye amarushanwa nyafurika muri Tuniziya nyuma hakurikiraho icyumweru cyo kwibuka Jenoside yakorewe Abatutsi mu 1994.

    UNIK muri ayo marushanwa yaje ku mwanya wa 11 mu makipe 16 yari yitabiriye.

    Muri iryo rushanwa ryabereye muri Tuniziya, APR Volleyball y’abagore yaje ku mwanya wa 10 mu makipe y’abagore 17 yitabiriye iri rushanwa ryegukanwe na Carthage yo muri Tuniziya itsinze ku mukino wa nyuma amaseti 3-2 Shams mu Misiri.

    Kansime Julius, umuyobozi wungirije mu Ishyirahamwe ry’umukino wa Volleyball mu Rwanda (FRVB) yatangarije Izubarirashe.rw ko shampiyona izakomeza mu mpera z’iki cyumweru, aho hazaba hakinwa imikino y’umunsi wa nyuma mu mikino yo kwishyura muri shampiyona.

    Yagize ati “Nyuma yo gusoza imikino yo kwishyura hazatangira gukinwa imikino ya Playoffs aho amakipe ane ya mbere atangira guhatana ndetse nandi ane ya nyuma ahatane ibyo bita (Play Out)”.

    Imikino iteganyijwe mu mpera z’iki cyumweru ni:

    Mu bagabo
    Gisagara v IPRC
    IPRC v KVC
    APR v Kirehe
    Unik v Kirehe
    UNIK v APR
    UTB v REG

    Mu bagore naho shampiyona yari yasubitswe kubera ikipe ya APR yari mu marushanwa ny’Afurika muri Tuniziya

    RRA v APR
    St Aloys v RRA
    IPRC Kigali v St Joseph
    IPRC Kigali v Ruhango.

    Uko amakipe akurikirana ku rutonde rw’agateganyo muri shampiyona y’abagabo
    1. GISAGARA Volleyball Club: 28
    2. KIREHE VC: 25
    3. IPRC SOUTH VC: 24
    4. REG VC: 22
    5. APR VC: 19
    6. UNIK VC: 16
    7. UTB VC: 12
    8. KVC:

    Uko amakipe akurikirana ku rutonde rw’agateganyo rwa shampiyona
    1. RRA VC: 19
    2. APR VC: 17
    3. ST ALOYS VC: 13
    4. RUHANGO VC: 11
    5. IPRC KGL VC : 3
    6. ST JOSEPH VC : 0.

    Tanga igitekerezo