Rayon Sports yihanangirije Rugende FC mu gikombe cy’Amahoro

    0
    Ikipe ya Rayons sport

    Ikipe ya Rayon Sports yihinangirije Rugende FC ku bitego 9-0 muri 1/16 cy’irushanwa ry’igikombe cy’Amahoro .

    Uwo mukino wabaye kuri uyu wa gatatu tariki ya 19 Mata 2017 kuri Stade ya Kigali i Nyamirambo, ibitego bya Rayon Sports byatsinzwe na Tidiane Kone, igitego cya kabiri gitsindwa na Lomami Frank kuri penaliti n’icya kane mu gihe igitego cya gatatu cyatsinzwe na Shassir Nahimana, igitego cya gatanu gitsindwa na Mutsinzi Ange byose byabonetse mu gice cya mbere.

    Ibindi bitego byabonetse mu gice cya kabiri bitsinzwe na Pierre wa Rugende FC witsinze, igitego cya karindwi gitsindwa na Nahimana Shassir n’icya munani mu gihe igitego cya cyenda cyatsinzwe na Idrissa.

    Ikipe ya APR FC yatangiye itsinda Vision FC mu irushanwa ry’igikombe cy’Amahoro (Peace Cup) ku bitego 3-0.

    Ibyo bitego bya APR FC byatsinzwe na Sekamana Maxime, Twizerimana Onseme ndetse na Djamar Mwiseneza wari amaze igihe adakinishwa kubera ikibazo cy’imvune yari yaragize.

    Umukino wa APR FC na Vision wabereye kuri Stade Mumena kuri uyu wa kabiri tariki ya 18 Mata 2017 mu irushanwa rigeze muri 1/16.

    Umutoza wa APR FC, Jimmy Mulisa atangaza ko iryo rushanwa afite intego yo kuryegukana bityo akaba agomba guhera ku mikino nk’iyo.

    Mu wundi mukino wabaye kuri uwo munsi Espoir Fc yatsinze Esperence FC ibitego 4-1.

    Uko imikino yindi ya 1/16 izakinwa mu gikombe cya Amahoro
    Imikino izaba kuwa Gatatu, tariki ya 19 Mata 2017

    Rugende vs Rayon Sports (Stade de Kigali, 15:30)

    Heroes Fc vs AS Kigali (Kicukiro, 15:30)

    Etoile de l’Est vs SC Kiyovu (Ngoma, 15:30)

    Akagera Fc vs Amagaju Fc (Rwinkwavu, 15:30)

    Vision JN vs AS Muhanga (Rubavu, 15:30)

    Miroplast Fc vs Gicumbi Fc (Stade Mironko, 15:30)

    United Stars Fc vs Police Fc (Kabagari, 15:30)

    Hope Fc vs Bugesera Fc (Rutsiro, 15:30)

    Aspor Fc vs La Jeunesse Fc (Kicukiro, 13:00)

    Kirehe Fc vs Etincelles Fc (Kirehe, 15:30)

    Intare Fc vs Mukura VS (Kamena, 15:30)

    Rwamagana City Fc vs Sunrise Fc (Rwamagana, 15:30)

    Imikino yo kwishyura iteganyijwe hagati y’itariki 25 na 26 Mata 2017 aho hazamenyekana amakipe agomba gukina muri 1/8 mu gikombe cy’Amahoro.

    Rayon Sports ni kipe yegukanye iryo rushanwa mu mwaka ushize itsinze APR FC 1-0.

    Tanga igitekerezo