Shampiyona ya Volleyball y’icyiciro cya mbere yasubitswe

    0
    Bamwe mu bakinnyi ba UNIK VC bitabiriye imikino ya Care Das ya 2016 (Ifoto/Ububiko)

    Shampiyona ya Volleyball y’icyiciro cya mbere mu bagabo yasubitswe kubera imyiteguro y’ikipe ya UNIK yitegura guhagararira u Rwanda mu mikino y’Afurika y’amakipe yabaye aya mbere muri shampiyona z’ibihugu.

    Iyi mikino ikipe ya UNIK yahoze ari INATEK izitabira izaba tariki ya 15 Werurwe uyu mwaka muri Tuniziya.

    Mudahinyuka Christopher umukozi mu ishyirahamwe ry’umukino wa Volleyball mu Rwanda (FRVB) yavuze ko imikino yari iteganyijwe mu mpera z’iki cyumweru itazakinwa kuko ikipe ya UNIK yabonye itike yo gukina imikino Nyafurika iri mu myiteguro.

    Yagize ati “mu mpera z’iki cyumweru hazakinwa shampiyona y’abagore gusa ariko mu cyiciro cy mbere ho amakipe ntazakina tukaba tuzayamenyesha igihe shampiyona izasubukurirwa”.

    Avuga ko biteganyijwe ko irushanwa Nyafurika ku makipe yabaye aya mbere iwayo rizatangira tariki ya 15 kugeza 28 Werurwe 2017.

    Shampiyona y’abagore yo izakomeza aho amakipe azakina ku wa Gatandatu ndetse no ku Cyumweru tariki ya 12 Werurwe 2017.

    Imikino izaba kuwa Gatandatu

    Ruhango izahura na RRA

    RRA vs St Joseph

    St Joseph vs Ruhango

    Imikino izaba ku Cyumweru

    APR vs St Aloys

    St Aloys vs IPRC Kigali

    IPRC Kigali vs APR.

    Uko amakipe akurikirana ku rutonde rw’agateganyo muri shampiyona y’abagabo

    1. GISAGARA Volleyball Club: 28

    2. KIREHE VC: 25

    3. IPRC SOUTH VC: 24

    4. REG VC: 22

    5. APR VC: 19

    6. UNIK VC: 16

    7. UTB VC: 12

    8. KVC:

    Shampiyona y’abagore igeze ku munsi wa gatanu dore uko amakipe akurikirana ku rutonde rw’agateganyo rwa shampiyona

    1. RRA VC: 13

    2. APR VC: 12

    3. ST ALOYS VC: 9

    4. RUHANGO VC: 8

    5. IPRC KGL VC : 3

    6. ST JOSEPH VC: 0.

    Tanga igitekerezo