Shampiyona ya Volleyball: RRA VC yisubije umwanya wa mbere

    0
    Ikipe ya RRA Vollyeball

    Ikipe ya RRA VC yisubije umwanya wa mbere nyuma yo gutsinda amaseti 3-0 Ruhango  ku munsi wa karindwi wa shampiyona y’abagore mu Rwanda.

    RRA yatsinze iseti ya mbere ku manota  25-15,iya kabiri ku manota 25-12 n’iya gatatu ku manota 25-20.

    Masumbuko  Jean de Dieu umutoza wa RRA VC  avuga ko ubu kuba babashije kwisubiza umwanya wa mbere ari bwo batangiye neza inzira y’igikombe cya shampiyona.

    Yagize ati “mu minsi ishize ikipe ya St Aloys yaradutsinze bituma dutakaza amanota ariko ubu twagarukanye imbaraga nyinshi ndetse tugiye kongera umuvuduko kugira ngo dusige amanota  menshi amakipe duhanganye”.

    Avuga ko iyi shampiyona y’uyu mwaka ikomeye kandi amakipe yagiye azana abakinnyi bakiri bato bafite imbaraga.

    Ikipe ya RRA ifite ibikombe bya shampiyona bigera kuri bitandatu kuva mu mwaka wa 2009, 2010,2011,2012,2013 na 2016 iramutse yegukanye shampiyona y’uyu mwaka yaba igize ibikombe 7.

    Uko shampiyona ya Volleyball yagenze mu mpera z’iki cyumweru

    RRA VC 3 -0 ST JOSEPH VC

    RUHANGO VC3-0 ST JOSEPH VC
    APR VC3 –2 ST ALOYS VC

    ST ALOYS VC3 -2 IPRC KIGALI VC

    APR VC 3-0 IPRC KIGALI.

    Uko amakipe akurikirana ku rutonde rw’agateganyo rwa shampiyona

    1. RRA VC: 19

    2. APR VC: 17

    3. ST ALOYS VC: 13

    4. RUHANGO VC: 11

    5. IPRC KGL VC : 3

    6. ST JOSEPH VC  : 0

    Tanga igitekerezo