Ahmad Ahmad yatororewe kuyobora CAF ahigika Hayatou wari umaze imyaka 29

    0
    Ahmad Ahmad yatorewe kuyobora CAF imyaka ine iri yizeza impinduka Ifoto Internet

    Nyuma y’imyaka 29 ayobora impuzamashyirahamwe y’umupira w’amaguru muri Afurika, Issa Hayatou yatsinzwe n’Umunya Madagascar Ahmad Ahmad ku majwi 34 kuri 20 yizeza Abanyafurika impinduka.

    Mu myaka 60 ishize hashinzwe Impuzamashyirahamwe y’umupira w’amaguru muri Afurika (CAF) imaze kuyoborwa n’abaperezida batanu barimo Issa Hayatou kuva mu 1988.

    Ni amatora yari yavuzwe cyane aho uyu muyobozi w’Ishyirahamwe ry’umupira w’amaguru muri Madagascar yari yavuze ko natorwa azazana impinduka mu miyoborere, gukoresha imari mu buryo bunyuze mu mucyo no gukomeza amrushanwa nyafurika.

    Ahmad yatowe ku majwi 34 ku bihugu 54 byatoye.

    Nyuma y’imayaka 29, Issa Hayatou yananiwe gutsinda amatora ashaka manda ya munani atsinzwe na Ahmad Ahmad

    Muri 2000, Issa Hayatou yari yatsinze Umunyangola Armando Machado ku majwi 47 kuri ane, mu 2004 atsinda Umunyabotswana Ismail Bhamjee ku majwi 46-6.

    Ahmad Ahmad w’imyaka 57 ni umugabo w’abana babiri yabaye Minisitiri muri Madagascar ayobora kandi n’Ishyirahamwe ry’umupira w’amaguru ry’aho kuva mu 2003 aho yarigize ishyirahamwe ryigenga ridatunzwe na Leta nubwo ntaho amakipe yaho agera ku ruhando mpuzamahanga.

    Nyuma y’imayaka 29, Issa Hayatou yananiwe gutsinda amatora ashaka manda ya munani atsinzwe na Ahmad Ahmad

    Abaperezi ba CAF

    Abdel Aziz Abdallah Salem (1957-1958)

    Abdel Aziz Moustafa (1958-1968)

    Abdel Halim Muhammad (1968-1972)

    Yidnekatchew Tessema (1972-1987)

    Abdel Halim Muhammad (1987-1988)

    Issa Hayatou (1988-2017)

    Tanga igitekerezo