David Cameron yatangaje ko azava ku butegetsi kuri uyu wa Gatatu

0
Minisitiri w'Intebe w'u Bwongereza David Cameron (Ifoto/Al Jazeera)

Minisitiri w’intebe w’u Bwongereza David Cameron, amaze gutangaza ko uyu mwanya azawuvaho kuri uyu wa Gatatu tariki ya 13 Nyakanga 2016.

Umugore Thereza May w’imyaka 59 ni we uri buhite aba minisitiri w’intebe w’iki gihugu, aho ari umukandida umwe rukumbi kuri uyu mwanya.

Theresa May ni we uzasimbura cameron ku mwanya wa Minisitiri w'Intebe w'u Bwongereza
Theresa May ni we uzasimbura cameron ku mwanya wa Minisitiri w’Intebe w’u Bwongereza

Mu kiganiro Minisitiri w’Intebe Cameroon amaze gutanga, yavuze ko kuri uyu wa gatatu ari bwo azageza ubu bwegure bwe ku mwamikazi w’u Bwongereza, nk’uko BBC ibitangaza.

Minisitiri Cameroon yagiye kuri uyu mwanya kuva mu mwaka wa 2010.

Cameron agiye kuva kuri uyu mwanya nyuma yo gutsindwa mu matora ya kamarampaka yo kuva cyangwa kuguma mu Muryango w’Ubumwe bw’u Burayi (EU).

David Cameron yari ashyigikiye ko Ubwami bw’u Bwongereza (UK) buguma muri EU ariko we n’uruhande rwe bagize amajwi 48%, urundi ruhande rwashakaga ko UK ivamo rugira 52%.

Abongereza batoye kuva muri EU, dore ikigiye gukurikiraho

Tanga igitekerezo